Sa Pihit ng Pangyayari Ang Walang Kamatayan sa Araw ng mga Patay Politika, Kapangyarihan at Sambayanan Ang Panibagong 365 Araw sa Ating Buhay Baka Makasilat sa Sugal Pasyon sa Pastulan Sulyap sa ‘Loob’ Balikbaryo Karugtong ng Bugtong Kotong Amnesty Ang Hatak ng Siyudad ‘Sako-Sakong’ Dila
KUWENTO
Panauhing Pandangal Sukob sa Taon Hiram na Banig Liham ng Lasing Bangungot Malamig na Gabi, Mainit na Kape Ang Saklaw ng Paglingap Molly Bisperas ng Binyag Pepe at Pilar Si Suong Imbentaryo
Para sa mga nais makipag-ugnayan, maaari ninyo akong kontakin sa lamberto@antonio.one, ang aking opisyal at tanging email address.
Mag-ingat sa mga hindi awtorisadong email address mula sa mga nagkukunwaring ako upang humingi ng pera o pabor, o magsagawa ng transaksyon gamit ang aking pangalan. Mangyaring ipasa ang mga email na ito sa akin upang sila ay mapanagot sa ilalim ng batas.
Siyasat Sa Panulat: Prologo Sa Pagberso
Siyasat sa Panulat: Prologo sa Pagberso
Paano mo ikalulugod Ang aking taludtod Na badha ng kakayahang makalikha Ng tulad kong kinipil na alabok?
Anong tinig Itong nagpapaulinig Na kabilang ang panitik Sa mga hulog ng langit?
Agwat Pangkat
Social distancing? Pwedeng version ang 'maagwating paghalubilo' o 'pagsalimuhang may agwat.' Ok din ang medyo slang na 'de-metrong pakikitungo.' Hirit na more creative parallel ng social distancing ang 'agwat pangkat.' Populist sa mood and tone, madaling tandaan, saka it invites intellectual curiosity. May rima at rason, wika nga.
Ika-75 Kaarawan sa Panahon ng COVID
Siglakas na nilustay sa buhay na bulagsak, natipong karanasang pataw sa aking edad.
Gayak at lakad ngayong may pundar akong tungkod, nagmimistulang bugtong na mailap ang sagot.
Lugod na lang isiping akong pitumpu't lima, nagkukusang bilangin ang nalagas na hibla
Ng buhok kong nasampid sa buhay ng may buhay-- pitumpu't limang pintig ng tulang nawawaan.
Pagpupugay Sa Dakilang Makata Lamberto E. Antonio (Nobyembre 9 1946 Hulyo 6 2024)
Si Lamberto E. Antonio ay isang pangunahing modernistang makata ng panitikang Filipino. Kasama sina Virgilio S. Almario at Rogelio G. Mangahas, itinuring silang “tungkong kalan” ng makabagong panulaan. Pinangunahan nila ang mga eksperimentasyong simbolista at suryalista noong dekada 60, nag-ambag sa paghubog ng panitikang Filipino, at naging tinig para sa mga magsasaka at manggagawang Pilipino.
Tubong Palasinan, Cabiao, Nueva Ecija, ang karanasan ni Antonio sa kanyang nayon ang naging pangunahing inspirasyon ng kanyang mga tula, na nagpakita ng mga pananaw na may pagka-materyalista at nagbigay-tinig sa mga “nangungulilang probinsiyano.”
Nagsulat siya ng mahigit sampung aklat ng tula, sanaysay, at maikling kwento. Kasama sa kanyang tanyag na mga akda ang Hagkis ng Talahib (1980), Pagsalubong sa Habagat (1986), Bakasyon sa Paraiso (1992), at Pingkian (1997). Siya rin ang kasama ni Mario O’Hara sa pagsulat ng pelikulang Insiang (1976), na naging unang pelikulang Pilipino sa Cannes Film Festival.
Masugid ding tagasalin si Antonio ng mga klasiko, kabilang ang Digmaan at Kapayapaan ni Leo Tolstoy, na ginawaran ng National Book Award noong 2018. Pinarangalan siya ng National Book Award para sa Pingkian noong 1997, Gintong Aklat Award noong 1998, at Palanca Hall of Fame noong 2021.
Ang kanyang mga aklat na Mga Sulat: 25 Kuwento ng Paglingap (2021) at Turno Kong Nokturno (2023) ay ilan sa kanyang huling pamana, nagsisilbing inspirasyon at gabay para sa susunod na salinlahi ng mga manunulat.
