ANG TUNAY NA PAGTANDA
Mga senyal ng kabuwayan (infirmity) ng katawan at isip ang mas batayan ng pagtanda. Ito ang mapanudyong pasubali ni Mark Twain sa old age na ibinabatay lang sa mga taon.
Binigyan niya ako ng idea para ilahad ang pananaw ko sa paglipas ng panahon.
Pakitingnan sa naritong sinulat kong tularaw kung may kaugnayan ito sa pasubaling Twain:
Ikaw, kahapon ko, ang napayayakap
bilang tagapawi ng pagkabagabag.
Mutya ka ngang tunay na walang katulad
kung dulutan ako ng sigla at alab.
Huwag ipangamba ang iyong pagkupas
kahit itangi ko ang ngayon at bukas.
(Leo Amorco)
