PAGDAAN NG MEDIA SA IBABAW NG BANGKAY
Kampante ang media, brodkast lalo na, sa maling paggamit ng salita.
Tampok na halimbawa ang "maliban." Wala ito sa tagpo pero pinapapapel sa halip na "bukod" ang tama at dapat gumanap.
Pinatay ng media ang "bukod" at padaan-daan sa ibabaw ng bangkay nito, habang bitbit ang "maliban".
Bale "besides" ang bukod at "except" ang maliban; dagdag ang una, bawas ang huli.
Huwag naman tayong maging iresponsable sa pagwiwika habang nagsusulong tayo ng "responsableng pamamahayag".
